أول حاجة إزاي تعرف إن اللي قدامك عنده جلطة أو نزيف في المخ

هتلاقي أنه ظهر عليه أعراض غريبة زي:

•• نص وجهه وقع أو بقى فيه شلل، خصوصًا لما يبتسم.

•• هتجرب تخليه يرفع دراعيه الاتنين، لو في دراع مش بيرتفع أو بيقع لتحت، دي علامة برضو

•• لو بقى بيكلم بطريقه مش مفهومة أو مش قادر ينطق الكلام صح.

•• صداع مفاجئ وقوي جدًا خصوصًا لو مصحوب بقيء أو فقدان وعي ده ممكن يكون نزيف.

تعمل إيه في اللحظة دي؟

•• أول حاجة لازم تتصل بالإسعاف فورًا وقتها

•• ما تديش المريض أي أدوية خصوصًا أدوية السيولة أو الأسبرين لإن لو السبب نزيف الأدوية دي هتزود النزيف.

•• ما تديش للمريض أكل أو شرب لإن ممكن يكون عنده صعوبة في البلع، وده ممكن يسبب اختناق.

•• خليه نايم على ضهره ورأسه مرفوعة شوية ولو واعي خليه مستريح، ومتتكلمش معاه كتير.

•• لو فقد الوعي ووقف النفس لو تعرف تعمل إنعاش قلبي رئوي (CPR)، لازم تبدأ فورًا.