المقالات / دكتور عثمان محمود استشاري جراحات الأوعية الدموية

-في البداية بيحصل ضعف في التروية الدموية الدم مش واصل كويس للطرف.
بعد كده الجلد يبتدي يغمق، الإحساس يقل، ودرجة الحرارة تنخفض ده لأن الغرغرينا مش بتحصل مرة واحدة.

•• ودور الفحص الإكلينيكي بيجي في إنه بيكتشف الغرغرينا قبل ما يحصل تآكل، قبل ما يحصل إسوداد كامل في الجلد، والدخول في مضاعفات صعبة تؤدي للبـتر

ودي علامات مهمة بندور عليها في الفحص:

-تغير اللون (زرقة أو إسمرار)
-برودة الطرف
-فقدان الإحساس
-خروج إفرازات ذات رائحة كريهة من الجزء المصاب.
-ألم غير متكرر في المنطقة المصابة

ف نصيحة_مهمة لو عندك جرح مزمن خصوصًا في القدم، بتعاني من أمراض زي السكري أو مشاكل في الأوعية الدموية ما تكتفيش بالأشعة والتحاليل توجه للدكتور المتخصص لفحص حالتك بنفسه.

نورونا في عيادة الأستاذ الدكتور / عثمان محمود
.استشاري جراحة الشرايين و الاوردة بجامعة أسيوط
رئيس قسم الأوعية الدموية فى مستشفى طيبة بالأقصر

الشرايين هي المسؤولة عن نقل الدم من القلب لباقي الجسم.
المفروض الدم يجري فيها بسهولة وسلاسة.

لكن مع الوقت ولأسباب كتير زي الأكل الغلط، التدخين، قلة الحركة، أو حتى عوامل وراثية، بيبدأ يحصل ترسّب لدهون وكوليسترول على جدار الشريان من الداخل.

 طيب… نعرف منين إن عندي تصلب شرايين؟
الأعراض بتختلف حسب مكان الشريان اللي فيه المشكلة، بس في علامات مهمة لازم ناخد بالنا منها:

•• وجع في الصدر (خصوصًا مع المجهود).. وده ممكن يكون علامة على تأثر شرايين القلب.
•• ألم أو تقل في الساقين لما تمشي… وده ناتج عن ضعف الدم الواصل للعضلات.
•• تنميل أو برودة في الأطراف، خصوصًا الرجلين.
•• في بعض الحالات، دوخة، صداع، أو ضعف في الذاكرة… لو الدم مش واصل كويس للمخ.
•• ولو الحالة متقدمة، ممكن تظهر أعراض جلطة أو ذبحة صدرية لا قدر الله.

إزاي بنشخص تصلب الشرايين؟
أول خطوة دايمًا بتكون الكشف والتحاليل:

•• تحليل الدهون والكوليسترول:
بنقيس فيه نسب الكوليسترول الضار (LDL) والمفيد (HDL).

•• أشعة الدوبلر على الشرايين:
دي زي سونار بيقيس سرعة الدم ويشوف إذا كان في انسداد أو ضيق.

•• أشعة مقطعية CTA أو رنين مغناطيسي:
بتدينا صورة تفصيلية عن أماكن الانسداد بدقة.

•• رسم قلب – ECG – أو اختبار مجهود:
عشان نشوف القلب شغال إزاي تحت الضغط وهل في نقص دم واصل له ولا لأ.

 فـ مهم جدا تهتم بالكشف والمتابعة بمجرد ظهور الاعراض عشان نقدر نمنع مشاكل صعبة زي الجلطات، الذبحات الصدرية، أو حتى بتر الأطراف في الحالات المتأخرة.

نورونا في عيادة الأستاذ الدكتور / عثمان محمود
.استشاري جراحة الشرايين و الاوردة بجامعة أسيوط
رئيس قسم الأوعية الدموية فى مستشفى طيبة بالأقصر

-دوالي الساقين مشهد مألوف ومزعج
طيب لو عايز تتخلص منها… تختار الليزر ولا الجراحة؟ تعالوا نفهم الفرق ببساطة

 العلاج بالليزر – بيتم تحت تأثير التخدير الموضعي، من غير فتح جراحي، بيسمح للمريض يرجع لحياته الطبيعية بسرعة كبيرة.

•• مناسب لحالات الدوالي المتوسطة والخفيفة
•• ألم أقل وفترة تعافي سريعة
•• نتائج تجميلية أفضل بدون ندبات

 أما الجراحي– بيحتاج فترة نقاهة أطول، تخدير نصفي أو كلي حسب الحالة

•• فترة التعافي أطول مقارنة بالليزر
•• راحة في الفراش لفترة أطول بعد العملية
•• صعوبة إجراء الجراحة في الساقين معًا في بعض الحالات
•• ظهور كدمات كتيرة في الفخذ والساق
•• تحفيز الخلايا لنشاط وحدوث نسبة ارتجاع للدوالي مرة تانية
•• صعوبة عملها لبعض الحالات المرضية رغم الحاجة للتخلص من الدوالي.

احجز استشارتك دلوقتي عشان الدكتور يحددلك الطريقة المناسبة لحالته والأفضل في النتيجة العلاجية

 إجراء غير جراحي – بتجري من خلال أنبوب رفيع (قسطرة) من خلال شق صغير في الجلد، غالبًا بيكون عند الفخذ أو القدم، وده بيُقلّل من الحاجة إلى جراحة مفتوحة كبيرة.

تعافي أسرع ومضاعفات أقل – لأنها إجراء غير جراحي فـ فترات تعافي المرضي بتكون أسرع ومخاطرها أقل مقارنة بالجراحة المفتوحة.

 تحسين تدفق الدم – بتساهم في توسيع الشرايين الضيقة أو المسدودة باستخدام بالون، وأحيانًا تُضاف دعامة للحفاظ على الشريان مفتوح، وده بيحسن تدفق الدم إلى القدم وبيرجع النبض.

 تخفيف الأعراض المؤلمة – تدفق الدم الناتج عن القسطرة بيساعد في تقليل آلام الساق والخدران، وبيساهم في شفاء الجروح بشكل أفضل، خاصةً لدى مرضى السكري.

 الحماية من البتر – من خلال استعادة تدفق الدم الكافي إلى الأطراف، وكمان بتقلل من خطر تطور الغرغرينا والحاجة إلى بتر الأطراف.

ومتنساش إن كتير من الحالات كان الحل قدامهم، لكن التأخير خلّى الأمور تبقي أصعب .. متكونش واحد منهم!

لو لاحظت أي علامة من الأعراض اللي اتكلمنا فيها فـ البوست السابق (انسداد شرايين الساق – مرض خطير بيحتاج لمتابعة) لازم تتحرك فورًا..

؛ و بيتسبب في مجموعة من الأعراض بتدل علي ضعف وصول الدم للأطراف السفلية..

ألم أو تشنجات في الساقين عند المشي (عرج متقطع)
 تقرحات أو جروح على أصابع القدم أو الساقين مش بتلتئم بسرعة
 ضعف أو خدر في الساقين
تغير لون الجلد بيكون شاحب أو مزرقة
ممكن تحس ببرودة في أسفل الساق أو القدم خصوصًا لما تقارنها بالساق التانية.

لو حسيت بأي حاجة من الأعراض دي الخطوة اللي عليك تتوجه للكشف والدكتور هيعملك دوبلر يشوف الدم ماشي إزاي في رجلك، ولو فيه انسداد، هيقولك العلاج المناسب ليك

حابين نفكرك أن العلاج في البداية بيكون أسهل بكتير، بدل ما نوصل لمرحلة صعبة زي الجروح اللي مش بتخف أو حتى بتر الأصابع..لا قدر الله!

الأستاذ الدكتور / عثمان محمود
.استشاري جراحة الشرايين و الاوردة بجامعة أسيوط
رئيس قسم الأوعية الدموية فى مستشفى طيبة بالأقصر

 متفطرش على الأكل الدسم والمقليات، ده بيعمل ضغط كبير على القلب!
الأحسن تبتدي بتمر ومياه، وبعدها شوربة خفيفة، وبعد الصلاة كمل وجبتك وتكون متوازنة.
 العصاير الجاهزة.. كارثة بسبب السكر والصوديوم!
أفضل حاجة المياه، ولو عاوز عصير، يكون طبيعي ومن غير سكر
 المخللات والجبن المالحة.. خطر على ضغط الدم والقلب
حاول بقدر الامكان السحور يكون فيه زبادي، خيار، بيض مسلوق، وخبز أسمر إن أمكن.

تابعونا لمعلومات أكتر.. و لو عندكم أي استفسار اكتبولنا في التعليقات وهنرد عليكم، و صومًا مقبولًا إن شاء الله

الدكتور / عثمان محمودي
-إستشاري جراحة الاوعية الدموية

السنة دي حلويات رمضان مش بس بقت تريند ده بقي فيه سباق اختراعات!

فـ قبل ما ندخل في حفلة السكريات، تعالي نفكر.. هل فعلًا نقدر ناكل كل ده وصحتنا مش هتتأثر؟ ولا أوعيتنا الدموية ليها رأي تاني؟

 ممكن الأول نفهم الموضوع ببساطة:
جسمك لما بياخد كمية كبيرة من السكر والدهون المشبعة، بيحصل إيه؟

-السكر الزائد = التهاب الأوعية الدموية  يعني مشاكل ضغط وسكر مع الوقت.
-الدهون الكتير = تصلب شرايين  يعني جلطات أسرع من اللازم!
-الوجبات التقيلة = لخبطة ضخ الدم  وإحساس التعب بعد الفطار!

طيب يعني قصدك نمنع نفسنا من الحلويات بشكل كامل ؟! الإجابة أكيد لأ، لكن نجرب ناكل بحكمة ..

 حاول تختار الحلويات اورجانيك أو صحية زي (تمور، فواكه، مكسرات غير مملحة).
 حاول تقلل السكر المضاف.. مش لازم الحاجة تبقى غرقانة شوكيلت أو شربات!
 كُل بعد الفطار بوقت، مش على طول، عشان سكر الدم ما يرتفعش فجأة.
 ودايمًا.. اتحرك بعد الأكل، ما تخليش السكر يركد في الدم!

لو عندكم أي استفسار اكتبولنا في التعليقات وهنرد عليكم.. دمتم في عافية وصومًا مقبولًا

الدكتور / عثمان محمود
-إستشاري جراحة الاوعية الدموية

لو إنت مريض سكري وصايم في رمضان، لازم تسمع النصيحة دي عشان سكرّك يفضل متوازن وما تدخلش في دوامة التعب والمضاعفات!

1- تابع السكر بانتظام
متنتظرش إنك تحس بدوخة أو تعب عشان تقيس السكري لازم تتابعه قبل الفطار، وبعد الفطار بساعتين، وقبل السحور… ولو حسيت بزغللة، دوخة، أو عرق شديد، لازم تفطر فورًا!

2- متهملش وجبة السحور
ولازم يكون فيه بروتين وألياف زي البيض، الفول، الزبادي، أو شوفان اذا أتيح؛ الحاجات دي بتخلي السكر يفضل ثابت أطول وقت وما تحسش بجوع مفاجئ.

3- في الإفطار خلي وجباتك متوازنة
في وقت الإفطار، ابدأ بتمرتين ومياه، وبعدها شوربة دافية خلي وجبتك متوازنة وتحتوي على بروتين زي الفراخ أو السمك، وخضار، وكربوهيدرات زي الأرز البني أو البطاطا ده هيساعد في الحفاظ على مستوى السكر في الدم.

 الأهم إنك تبعد عن…

الحلويات الكتير والمقليات، عشان السكر ما يرتفعش فجأة!

العصاير المحلاة… استبدلها بالماء أو العصاير الطبيعية بدون سكر.

لو عندك أي سؤال، سيبهولنا في التعليقات وهنرد عليك، دمتم بسلامة وعافية

 سحورك لازم يكون متوازن
متنتظرش لحد الفطار وتاكل كل حاجة! لازم السحور يكون فيه ألياف، بروتين صحي زي البيض، وخضار عشان تحافظ على مستوى السكر في الدم وما تحسش بالتعب طول اليوم!

 ابعد عن الدهون المتحولة والمشبعة
الأكل المقلي والسمنة واللحوم المصنعة بدلها بزيت الزيتون، المكسرات، والأسماك الدهنية، لأنها بتساعد خفض الكوليسترول الضار.

 اشرب مياه كفاية
من 8 لـ 10 أكواب بين الفطار والسحور، عشان تمنع الجفاف وتقلل لزوجة الدم، لأن الجفاف ممكن يسبب مشاكل خطيرة للشرايين!

 امشي بعد الفطار
المشي نص ساعة بعد صلاة التراويح يحسّن الدورة الدموية، ويقلل خطر تصيب الشرايين

نتمني لكم صومًا مقبولًا، لو عندك استفسار سيبلنا في الكومنتات وهنرد عليك