اولا لو كان العلاج الدوائي مفيش نتيجة ظاهرة
بمعني المريض بياخد أدوية موسعة للشرايين وبيمشي على نظام غذائي الي حد ما مناسب وبرضه الأعراض مستمرة أو بتسوء.
الانسداد مأثر على الحركة
لو المريض بقى مش قادر يمشي لمسافات قصيرة من غير ألم شديد وده مأثر علىه بشكل كبير.
وجود جرح أو قرحة مش بتخف
خصوصًا مع مرضى السكر لما بيكون فيه نقص تروية دموية (يعني الدم مش واصل كويس) ومفيش التئام.
لو كان فيه خطورة على الأطراف
حصل غرغرينا أو بدأ يحصل تلف في الأنسجة بسبب نقص الدم التوسيع بيبقى هدفه إنقاذ الرجل من البتر.
التوسيع بيتم في الغالب عن طريق قسطرة علاجية بيتم فيها إدخال بالون صغير جوه الشريان الضيق ويتنفخ عشان يوسع المجرى وساعات بيتم تركيب دعامة (زي شبكة معدنية) علشان تحافظ على الشريان مفتوح.
الإجراء بيكون بسيط نسبيا وكتير بيتعمل من غير جراحة مفتوحة.
فـ مهم لو بتحس إنك بتتعب بسرعة من أقل مجهود وظهر عليك أعراض مقلقة ضروري تتوجه للكشف والفحص بدري تجنبًا لأي مضاعفات
