المقالات / دكتور عثمان محمود استشاري جراحات الأوعية الدموية

الإرهاق المستمر
شعورك بالتعب والإرهاق المستمر حتى بعد النوم الكافي ده ممكن يكون علامة على فقر الدم.

شحوب الجلد
لما بيقل الهيموجلوبين في الدم البشرة بتفقد لونها الطبيعي وبتبقي شاحبة بسبب نقص الأوكسجين في خلايا الجلد.

الدوخة
بسبب نقص الأوكسجين في الجسم ممكن تحس بالدوخة خصوصًا لما تقوم فجأة أو تبذل مجهود

الصداع المتكرر
نقص الأوكسجين في الدم بيأثر على الدماغ وبالتالي بيسبب صداع متكرر أو شعور بالضغط في الرأس.

 ضعف التركيز
لأن الدم مش بيوصل للمخ بكفاءة.

خفقان القلب
في حالات فقر الدم الشديد ممكن تحس إن قلبك بيخفق بسرعة أو بقوة لأنه بيحاول يضخ الدم بشكل أسرع عشان يعوض نقص الأوكسجين في الجسم.

فـ مهم_جدًا لو كنت بتعاني من أي حاجة من الأعراض دي تتوجه للدكتور عشان تتأكدي إذا كان عندك فقر دم أو لأ عشان تتجنب أي مضاعفات

تعالوا نفهم الفرق ببساطة بين الطريقتين في البوست ده:

 أولًا العلاج بالليزر
الليزر بقى من أنجح الوسائل الحديثة اللي بنستخدمها في علاج دوالي الساقين وخصوصًا الحالات اللي لسه في المراحل الأولى أو المتوسطة.

•• بيتعمل تحت تخدير موضعي من غير فتح جراحي.
•• الجلسة سريعة والرجوع للحياة اليومية بيكون أسرع.
•• الألم بعد الإجراء بيكون بسيط مقارنة بالجراحة.
•• بدون جروح أو غرز، فالشكل بيبقى أفضل تجميليًا.

 ثانيًا الجراحة التقليدية للدوالي.

•• فترة النقاهة بتطول شوية والمريض ممكن يحتاج راحة أسبوعين أو أكتر.

•• بتكون فعالة في إزالة الأوردة الكبيرة اللي الليزر ممكن ميتحكمش فيها.

•• بتحتاج تخدير نصفي أو كلي حسب الحالة.

•• ممكن تظهر كدمات أو تورمات في الساقين بعد العملية.

•• أحيانًا صعب نعمل الجراحة في الساقين معا.

•• نسبة الرجوع للدوالي ممكن تكون أعلى لو المريض مكملش التعليمات بعد العملية.

•• ومش دايمًا كل المرضى ينفع يعملوا جراحة، خاصة اللي عندهم مشاكل صحية تمنعهم من التخدير.

1. المشي بدون حذاء (حتى في البيت)
ناس كتير بتفتكر إن المشي بدون حذاء مفيهوش مشكلة لكن لمريض السكر اللي ممكن يكون عنده اعتلال في الأعصاب الطرفية الجرح ممكن يحصل من غير ما يحس وده مدخل خطير للعدوى.

2. قص الأظافر بشكل خاطئ
قص الظفر بطريقة حادة أو من الجوانب ممكن يسبب دخول الظفر في الجلد وده بيعمل التهاب مؤلم ولو اتأخرت في علاجه ممكن يتحول لتقرح صديدي.

3. إهمال الجروح أو عدم فحص القدم بانتظام
في بعض الحالات مريض السكر ما بيحسش بالجروح بسبب ضعف الإحساس فـ الجرح ممكن يتلتهب من غير ما ياخد باله عشان كده الفحص اليومي للقدم ضروري.

4. التدخين
التدخين بيقلل تدفق الدم للأطراف وده بيضعف التئام الجروح وبيضاعف خطر الغرغرينا.

ألم وتقل وتعب في الرجلين
الدوالي بتأثر على الدورة الدموية وده بيخلي الدم يتجمع في الأوردة فـتحسي بتقل او شد عضلي أو وجع بيزيد مع الوقوف لفترة طويلة ممكن كمان تحسي بتنميل أو حرقان خفيف.

تورم مستمر في الساقين
عدم علاج الدوالي بيخلي السوائل تتجمع في الأنسجة وده بيزود التورم خصوصًا عند نهاية اليوم
والتورم ده مش بس مزعج ده كمان بيأثر على مرونة الجلد ويزود فرص المضاعفات.

تغيرات في لون الجلد والتهابات مزمنة
مع الوقت الجلد حوالين الكاحل ممكن يغمق أو يتحول لونه للبني أو الأزرق ويبدأ يجلد ويتقشر أو حتى يتحول لقرح جلدية

قرح وفتحات جلدية مزمنة (قرح وريدية)
دي من أخطر المضاعفات بتحصل لما الدم مش بيوصل كويس للأنسجة الجلد يضعف ويتفتح وتبدأ قرحة صعبة تلتئم وممكن تستمر شهور ومحتاجة علاج طويل.

جلطات دموية سطحية أو عميقة
الركود الدموي في الدوالي ممكن يزود فرص حدوث جلطة سطحية أو حتى جلطة عميقة في الساق ودي خطيرة لأنها ممكن توصل للرئة وتسبب جلطة رئوية.

نزيف مفاجئ من أوردة سطحية
لأن الأوردة بتكون قريبة من الجلد ممكن يحصل نزيف مفاجئ بسبب خدش بسيط أو صدمة خفيفة وساعتها النزيف بيبقى صعب يتحكم فيه.

فـ#مهم لو ظهرت عليك أعراض مستغربة أو شايفة أوردة بارزة ومؤلمة لازم وقتها تتوجه للدكتور أوعية دموية للتشخيص وتحديد العلاج الانسب لحالتك بعد الفحص

 بتحصل الغرغرينا الجافة لما الدم المسؤول عن تغذية الأنسجة بالأكسچين يتقطع أو يقل جدًا بسبب انسداد في الشرايين وعلشان كده بتنتشر أكتر عند مرضى السكر واللي عندهم تصلب شرايين أو جلطات مزمنة.

 طيب إزاي أعرف إنها غرغرينا جافة؟

•• الجلد بيبدأ يغمق من أول بني غامق لحد ما يبقى أسود ناشف كأنه متفحم
•• المكان بيكون بارد ومافيهوش نبض
•• في الغالب مافيش ألم شديد في المرحلة دي لإن العصب كمان مات
•• مافيش إفرازات أو صديد زي الغرغرينا الرطبة
•• الجلد ممكن يبتدي يتقشر أو يتصلب ويبقى ناشف جدًا

 إمتى أروح للدكتور ضروري؟

لو عندك سكر أو مشاكل في الدورة الدموية ولاحظت ان فيه تغير في لون الجلد (خصوصًا صوابع القدم) أو حسيت بتنميل وضعف وقتها لازم تروح للدكتور فورًا للفحص والتشخيص لأن لو اتأخرت ممكن الحالة تتطور وتصل للبتر لا قدر الله.

-السكري من أكتر الأمراض اللي ليها تأثير مباشر على الأوعية الدموية وده بيحصل مع الوقت لارتفاع نسبةالسكر في الدم لفترات طويلة وبيأثر على الشرايين الكبيرة والصغيرة على حد سواء وده بيأدي لحاجات كتير منها

 تلف جدار الأوعية الدموية
السكر العالي بيخلي جدار الأوعية يفقد مرونته ويبقى سهل يتجرح أو يتلف مع الوقت الدهون والكوليسترول يبدأوا يترسبوا على الجدار المتضرر وده بيقلل من مرور الدم.

 ضعف الدورة الدموية
بسبب تضييق الأوعية كمية الدم اللي بتوصل للأعضاء والأطراف بتقل وده يفسر ليه مريض السكر ممكن يحس بتنميل في رجليه أو إيديه أو إن الجروح عنده بتتأخر في الالتئام.

ضرر في الأوعية الدقيقة
مش بس الشرايين الكبيرة بتتأثر كمان الشعيرات الدموية الصغيرة بتتضرر وده بيأثر على أعضاء حساسة زي:

العين: ممكن يسبب اعتلال الشبكية السكري، وده ممكن يؤدي لفقدان النظر.

الكلى: الضرر المستمر ممكن يسبب فشل كلوي.

المخ والأعصاب: ممكن يؤدي لسكتات دماغية أو تلف في الأعصاب الطرفية.

 زيادة لزوجة الدم
السكر بيأثر على كريات الدم وبيخليها “لزجة” فتبقى حركتها أبطأ وده يزود خطر تكوين جلطات.

فـ مهم جدا جدا نراقب مستوي السكر بانتظام ولو لاحظت اي اعراض غريبة فورا تروح للدكتور للفحص وده طبعا هتتجنب جزء طبير منه لو بتابع باستمرار حالتك مع دكتور الاوعية الدموية

أولاً وجع أو ضغط في الصدر (الذبحة الصدرية)
لو بتحس بوجع أو ضغط في الصدر بعد مجهود أو وانت متوتر وبيختفي لما ترتاح ده ممكن يكون علامة إن في ضيق في الشرايين اللي بتغذي القلب.

 تعب غريب مع أقل مجهود
بتتعب بسرعة جدًا بتحس نفسك مش قادر تطلع سلم أو تمشي مشوار بسيط ده ممكن يكون سببه إن القلب مش واصل له دم كفاية بسبب انسداد الشرايين.

وجع في الرجلين أثناء المشي
اللي بنسميه “العرج المتقطع قدمك بتألمك لما تمشي شوية وتخف لما تقف دي علامة على إن شرايين الرجل فيها انسداد.

 برودة أو تنميل في الأطراف
لو إيدك أو رجلك بتحس فيها ببرودة على طول أو بتحس بتنميل مستمر ده ممكن يكون بسبب ضعف تدفق الدم بسبب الشرايين المسدودة.

 ضيق في التنفس
القلب لما ميكونش واصله دم كفاية الشخص بيحس إنه نفسه مضغوط مش قادر يتنفس خصوصًا مع المجهود.

سكتات قلبية أو دماغية مفاجئة
في حالات متقدمة أول علامة لانسداد الشرايين ممكن تكون جلطة قلبية أو دماغية عشان كده لازم ناخد بالنا من العلامات.

نصيحة لو حسيت بأي حاجة من العلامات دي بشكل متكرر خصوصًا مع وجود عوامل تانية زي ضغط أو سكر عالي ، تاريخ عائلي بأمراض القلب ضروري تروح للدكتور للفحص والتشخيص

أولها الوقوف أو الجلوس لفترات طويلة
لما بنبقي في نفس الوضعية لفترة طويلة تدفق الدم بيقل ووقتها السوائل بتتجمع في الأطراف السفلية.

قصور القلب
لما القلب بيفشل في ضخ الدم بكفاءة الدم بيتراكم في الأوردة خصوصا في الأطراف السفلية وده بيخلي السوائل تتسرب من الأوعية للأنسجة.

 أمراض الكلى
في حالات الفشل الكلوي أو المتلازمة الكلوية مبتقدرش الكلى تتخلص من السوائل الزائدة وطبعا بيسبب احتباس عام في الجسم بيظهر في الغالب في القدمين وحول العينين.

 أمراض الكبد زي التليف الكبدي
بيسبب نقص الألبومين في الدم وده بروتين بيساعد في حفظ توازن السوائل في الأوعية الدموية لما بينقص السوائل بتتسرب للأنسجة وبيحصل تورم بعدها.

 القصور الوريدي المزمن
بيحصل لمل تفشل صمامات الأوردة في رجوع الدم للقلب بيأدي لرجوع الدم وتجمعه في القدمين.

 الحمل
وقتها حجم الدم بيزيد الرحم بيضغط على الأوردة الكبيرة بيسبب بطء رجوع الدم من الساقين وتجمع السوائل

لو عندكم أي استفسار اكتبولنا في التعليقات وهنرد عليكم دمتم سالمين

– الصداع المستمر
وغالبًا بيكون الصداع في مؤخرة الرأس وممكن يرتبط بارتفاع الضغط الحاد أو المزمن.
– الدوخة
المريض بيحس بعدم الاتزان خضوصا لما بيقف فجأة وممكن يكون علامة على اضطراب في تدفق الدم إلى الدماغ.
– زغللة أو تشويش في الرؤية
بيحصل لتأثير الضغط العالي على الأوعية الدموية الدقيقة في الشبكية ( اعتلال الشبكية الناتج عن ارتفاع الضغط)
-ألم في الصدر أو ضيق في التنفس
ممكن يكون علامة على أن القلب بدأ يتأثر خصوصًا في حالات ارتفاع الضغط الشديد.
– خفقان القلب
المريض بيحس برضو بأن ضربات قلبه مش منتظمة أو سريعة.
– نزيف من الأنف
عند بعض الحالات نتيجة تمزق أو ضعف الأوعية الدموية.
فـ نصيحة_مهمة جدًا لو لقيت أنه ظهر عليك حاجة من الأعراض دي اتوجه لقياس الضغط وبعدها الفحص والكشف عند دكتور متخصص✅
احجز استشارتك مع الدكتور / عثمان محمود
-إستشاري جراحة الاوعية الدموية
للتواصل والاستفسار كلمنا علي :📞01097304552
العنوان : أسيوط برج الصفا شارع 23 يوليو الدور الخامس شقه 29. بجوار مستشفى الشاملة