ده من أكثر مشاكل اليد المنتشرة بين الناس بيحصل لما العصب يتضغط داخل قناة ضيقة في مفصل الرسغ ..

 أهم الأعراض اللي ممكن تظهر:

1- تنميل او وغز في الإبهام والسبابة والوسطى
2- ألم يزيد بالليل أو وقت استخدام اليد
3- ضعف في قبضة اليد وصعوبة تمسكي الأشياء
4- أوقات الألم يطلع لحد الكوع أو الكتف

 طيب إيه الأسباب اللي بتأدي لاختناق العصب؟

1- كسر أو خلع في مفصل الرسغ
2- التهابات وتورم الأوتار زي حالات الروماتويد
3- التهاب العصب نفسه في مرضى السكر
4- السمنة المفرطة وضغط الدهون على العصب
5- احتباس السوائل في اليدين (خصوصًا أثناء الحمل)
6- أمراض زي كسل الغدة الدرقية أو الفشل الكلوي
7- استخدام الماكينات اللي فيها اهتزاز أو الكتابة على الكمبيوتر لفترات طويلة

اختناق العصب علاجه بسيط لو اكتشف بدري لكن التأخير ممكن يوصل لضعف دائم في الإيد لو حسيت بالأعراض نورنا في العيادة