-تصلب الشرايين حالة مرضية بينتج عن تراكم الدهون والكوليسترول ومواد تانية على جدار الشرايان، وده بيادي لضيقها وتصلبها، وبالتالي تدفق الدم إلى أعضاء الجسم بيقل في البوست ده هنتكلم عن اهم اعراضه.

 ألم الصدر (الذبحة الصدرية)
لما الشرايين التاجية اللي بتغذي القلب تتأثر، بيحصل ألم أو ضغط في الصدر، وده بيظهر غالبًا مع المجهود وبيتحسن مع الراحة. أحيانًا بيتوصف إنه تقل أو حرقان في وسط الصدر.

 ضيق التنفس
بسبب نقص التروية الدموية للقلب، المريض ممكن يحس إنه مش قادر ياخد نفسه كويس، خصوصًا خلال الحركة.

 ألم في الساقين أثناء المشي (العرج المتقطع)
لما تكون الشرايين الطرفية (خصوصًا في الرجلين) مصابة، بيحصل ألم في الساق مع المشي، ويختفي مع الراحة. ده بيكون علامة على مرض الشرايين الطرفية.

 سكتة دماغية أو أعراض ما قبلها لما الشرايين اللي بتغذي المخ تتأثر، ممكن تظهر أعراض زي:

-تنميل أو ضعف مفاجئ في الوجه أو الذراع أو الرجل، خصوصًا في جهة واحدة.
-صعوبة في الكلام أو الفهم.
-فقدان التوازن أو الدوخة المفاجئة.
-صداع شديد مفاجئ من غير سبب واضح.

فـ نصيحة_مهمة لو ظهرت أي حاجة من الأعراض دي فورًا فورا لازم تتجه للدكتور لتجنب مضاعفات خطيرة زي الجلطات القلبية أو السكتات الدماغية